Question 1

Wat Sinn Scouten?

Accepted Answer

Scouten ass en Weltjugendmouvement vun Jonken fir Jonker, gegrënnt 1907 vum Lord Baden Powell an England.

Zu Lëtzebuerg ass den Mouvement opgedeelt an: 
d’FNEL (fédération des éclaireurs et éclaireuses du Luxembourg) déi laïque ass 
 d’LGS ( Lëtzebuerger Guiden & Scouten) déi Chrëchtlech ass.

D’Aigles sinn een vun den 29 Gruppen vun der FNEL.

Hei fannt dir méi Info's iwwer d'FNEL

Question 2

Waat ass FNEL?

Accepted Answer

D'FNEL (Fédération Nationale des Eclaireurs et Eclaireuses du Luxembourg) ass 1914 entstanen a war 1922 Grënnungsmember vun der heiteger OMMS (Organisation Mondiale du Mouvement Scout), déi weltwäit iwwer 57 Millioune Jongen a Meedercher am Scoutismus vereenegt.

D’FNEL ass Membre Fondateur vu Scouting in Luxembourg (SIL).  S.A.R. de Grand-Duc héritier Guillaume ass „Chef Scout“ vu Lëtzebuerg. (Source : Fnel.lu)

Question 3

Ween sinn d'Aigles?

Accepted Answer

D'Aigles sinn een vun den 29 Scoutsgruppen aus der FNEL an mir hunn eis Versammlungen am Rolléngergronn.

Fir méi iwwer den Grupp eraus ze fannen, click hei

Question 4

Wou an wéini kréien ech mäin Foulard ?

Accepted Answer

Däin Foulard kriss du um Verspriechen, dëst ass fir d’Beaver oft en Owend an fir d’Wëllefcher en Weekend. All neien Member kritt réischt en Foulard wann en säin Verspriechen gemaach huet. Dëst gëtt puermol d’Joer organiséiert, och oft op engem Camp, dat heescht, verpasst et net.
 
Wann's du däin Verspriechen Gemaach hues an däin Foulard verluer hues, kanns du am Aigles-Shop en neien Kafen. Fir dat z’evitéieren, schreif däin Numm op däin Foulard.

Question 5

Ginn d'Cheffen bezuelt?

Accepted Answer

NEE.

D’Engagement an den Scouten ass 100% benevole. 
D’Cheffen maachen déi ganz Aarbecht niewent der Schoul an hiren aneren Aktivitéiten.

Question 6

Ween passt op meng Kanner op?

Accepted Answer

All Aktivitéiten ginn vun eisen Cheffen gehaalen. All Branche (dh all Altersgrupp) huet hier eegen Cheffen.

Eis aktiv Cheffen an den verschiddenen Branchen sinn Jonker tëschent 15 an 21 Joer, déi selwer an den Scouten waren an den Kanner Aktivitéiten niewent der Schoul organiséieren.

D’Cheffen maachen wärend hirem Engagement Formatiounen déi vun der FNEL gestallt sinn an duerno engem Brevet Animateur C entspriechen. Duerch dës Formatiounen an hier Erfarung als Scouten kréien si dat néidegt Wëssen fir är Kanner z’encadréieren an den Grupp ze leeden.

Niewent den aktiven Branchencheffen existéieren awer och nach Gruppecheffen déi bëssen méi al sinn an den Cheffen bei allem Hëllefen, an en Comité. Dat ganzt baséiert, bei all Niveau vum Grupp op Benevolat.

Question 7

Wou kréien ech eng Uniform an wou kommen d’Badgen hin?

Accepted Answer

Deng Uniform kanns du am Scout Shop vun der FNEL kafen (sur place oder iwwer Internet). Mam Foulard weist d’Uniform dass du Scout bass an zu wéi engem Grupp an wéi enger Branche dass du gehéiers.

Mir hunn och en SECOND HAND SHOP: dësen ass interessant fir Beaver (déi schnell aus der deierer Uniform rauswuessen), mais et ginn och nach aaner gréissten. Mei Informatiounen bei den "Shop" froën.

Hei um Beispill geseis du wou deng Badger hikommen :

Question 8

Wéi Fonctionéiert eng Versammlung / Sortie?

Accepted Answer

Waat & Wou: All Samschden vun 14-16h Versammlung bei eis am Home (31, montée des Tilleuls, Rollingergrund).

Am Ufank vum Trimester schécken mir iech en Trimesterprogramm mat all den Aktivitéiten déi dat Trimester sinn. Dësen fannt dir och am Totem.
 
RDV : beim Home, zu Fouss oder mam Velo. 
 
WEG FEIERT KENG KANNER MAM AUTO BEI D’HOME.

D’Versammlungen sinn gréisstendeels dobaussen an d’Kanner maachen sech gären knaschteg. Passt also op dass der hinnen net ganz nei oder ganz wäiss Kleeder unditt fir an d’Scouten.

Sortie
Eng Sortie ass eng Aktivitéit déi 6-8 Stonnen huet. Des kann Samschdes oder Sonndes sinn an fir all Sortie kritt dir Informatiounen geschéckt.

Sproochen vun den Aktivitéiten: 
D’Versammlungen sinn op Lëtzebuergesch. All Cheffen kennen awer och Däitsch, Franséisch an Englesch an kennen ëmmer eppes iwwersetzen wat net gutt verstanen ginn ass.

Bei Besoin huet d'FNEL awer och en Franséichen an en Internationalen Grupp.

Question 9

Wat ass den Totem?

Accepted Answer

Den Totem ass eis Zeitung, déi mir all Trimester rausbréngen. Se ass voller Fotoen an Rapport'en an Infoën.

Wanns du den Totem als Papeierversioun wëlls, dann schreiw dech hei ann: TOTEM

Eisen Totem gëtt och digital verschéckt, all kéiers mat engem neien Passwuert, wat och nët soll weiderginn ginn.

Question 10

Ween a Waat Sinn d'Gruppecheffen

Accepted Answer

D'Gruppecheffen sinn déi, di den Cheffen bei der genereller Organisatioun vum Grupp Hellefen. Sie géréiren Formatiounen, d'Kommunikatioun mat den Elteren, äntweren op Froën an villes méi.

Sie sinn ebëssen méi aal wéi di aktiv Cheffen an den Branchen an all Joër kann an der Cheffenequipe Branche en Changement sinn.

Dësst Joër sinn den Aigles hir Gruppecheffen (vu lénks no Riets op de Fotoën):

Chef de Groupe: Sarah Schiltz
Assistant Chef de Groupe: Anouk Kayser
Assistant Chef de Groupe: Nicolas Klop
Assistant Chef de Groupe: Lino Donven

FREQUENTLY ASKED QUESTIONS

Les Aigles FAQ